ප්‍රාදේශීය ලේකම් කාර්යාලය - නාරම්මල

නාරම්මල ප්‍රාදේශීය ලේකම් කාර්යාලයේ සංස්කෘතික අංශය මගින් සංවිධානය කරන ලද සාහිත රූ සර - 2023 ප්‍රාදේශීය සාහිත්‍ය කළා මහෝත්සවය 2023.11.16 දින නාරම්මල මයුරපාද විද්‍යාලීය ශ්‍රවණාගාරයේදී පවත්වන ලදී.මෙහිදී ජන කවිය හා බැඳුණු ජන ගීය යන මැයෙන් රසවින්දන වැඩසටහනක් ශ්‍රී ලංකා ගුවන්විදුලි සංස්ථාවේ රජරට සේවයේ ජන ගායනා ශිල්පී චිත්‍රසිරි නවරත්න මහතා ප්‍රමුඛ කණ්ඩායම විසින් පවත්වනට යෙදුණි.

වැඩිහිටි විය සතුටින් ගත කිරීම, ආධ්‍යාත්මික සංවර්ධනය හා මානසික ආතතිය දුරලීම අරමුණු කරගෙන නාරම්මල ප්‍රාදේශීය සභාවේ ප්‍රධානයක් යටතේ ලද භූමියේ, ජාතික වැඩිහිටි මහ ලේකම් කාර්යාලයේ ප්‍රතිපාදන යටතේ ඉදිකළ "වැඩිහිටි මධ්‍යස්ථානය" 2023.10.05 දින, පෙ.ව 9.32 ට යෙදුනු සුභ මොහොතෙන් නාරම්මල ප්‍රාදේශීය ලේකම් කාර්යාලයේ සහකාර ප්‍රාදේශීය ලේකම් නිශාන්ති කුමාරි මහත්මියගේ සුරතින් විවෘත වූ වගයි.

ප්‍රාදේශීය ලේකම් කාර්යාලයේ සංස්කෘතික අංශය හා ආයුර්වේද අංශය එක්ව සංවිධානය කරන ලද  "කෙතයි - බතයි අපේකමයි" දේශීය ආහාර වැඩසටහන අද දින කාර්යාලීය පරිශ්‍රයේදී සිදු කරන ලදී.මෙහිදී ආයුර්වේද ප්‍රජා සෞඛ්‍ය වෛද්‍ය නිලධාරී මේනකා ඉලංකෝන් මහත්මිය විසින් "නීරෝගී සුවැති දිවි පෙවෙතක්" යන මාතෘකාව යටතේ දේශනය සිදුකළ අතර දේශීය ආහාර ඇතුලත් ප්‍රදර්ශනයක් හා ආහාර පිළියෙල කිරීමේ වැඩසටහනක්ද දේශීය නිෂ්පාදන වලින් සැකසූ ආහාර ඇතුලත් අලෙවිපොළක්ද පවත්වන ලදී.

ඓතිහාසික දඹදෙණිය රජමහා විහාරස්ථානයේ ඇසළ මහා පෙරහැර 2023.08.05 දින දේශීය නර්තන අංගයන් සමගින්, අලි ඇතුන් පිරිවරා, අලංකාර පෙරහැර  අංගයන් 72 කින් සමන්විතව වර්ණවත්ව වීදී සංචාරය කරන ලදී.