ප්‍රාදේශීය ලේකම් කාර්යාලය - නාරම්මල

වෙසක් පොහොය නිමිති කරගනිමින් කාර්යාලයේ බෞද්ධ කටයුතු අංශය විසින් සංවිධානය කරන ලද කාර්යාල නිලධාරීන් සඳහා සීල සමාදාන වැඩසටහනක් 2024.05.21 දින කාර්යාලීය රැස්වීම ශාලාවේදී පවත්වන්නට යෙදුණි.

නාරම්මල ප්‍රාදේශීය ලේකම් කාර්යාලය විසින් අඹගම්මන, පුවක්ගහකොටුව, ගනේගොඩ, බෙම්මුල්ලේගෙදර, දංගොල්ල සහ මී වැව ග්‍රාම නිලධාරී වසම් වල ප්‍රදේශවාසීන් සඳහා සංවිධානය කරන ලද ජංගම සේවා වැඩසටහන 2023.02.09 දින නාරම්මල ප්‍රාදේශීය ලේකම්තුමන්ගේ ප්‍රධානත්වයෙන් ගනේගොඩ ශ්‍රී සුදර්ශන රන්කොත් විහාරස්ථානයේදී පවත්වන ලදී.එහිදී ප්‍රදේශවාසීන් සඳහා පහත සඳහන් සේවාවන් ලබාදෙන ලදී.

• ජාතික හැඳුනුම්පතක් ලබාගැනීම සඳහා අයදුම්පත් භාරගැනීම
• උප්පැන්න / විවාහ / මරණ සහතික නිකුත් කිරීම
• කල්පසු වූ උපත් / මරණ ලියාපදිංචිය
• උප්පැන්න, මරණ සහතික සංශෝධනය සඳහා කටයුතු කිරීම
• පොලිස් පැමිණිලි පිටපත් ලබාගැනීම
• දිවුරුම් ප්‍රකාශ ලබාගැනීම
• තැපැල් කාර්යාලීය සේවාවන්

"ඇයට ශක්තිය - දැයට ප්‍රගතිය" 2024 කාන්තා දින තේමාව යටතේ 2024.03.12 දින නාරම්මල ප්‍රාදේශීය ලේකම් කාර්යාලයේදී පැවැත්වූ කාන්තා දින වැඩසටහන කොට්ඨාසයේ කාන්තා සමිති සාමාජිකාවන් සම්බන්ධ කරගනිමින් සුවිශේෂාංග රැසක් සමඟ සාර්ථකව සිදු කරන ලදී.මෙහිදී දේශීය වෛද්‍ය ඥානක එල්.පාඩිප්පෙරුම මහතා විසින් ප්‍රධාන දේශනය සිදු කරන ලදී.

ජාතික සුරක්ෂිත දින දිස්ත්‍රික් උත්සවය කුරුණෑගල දිස්ත්‍රික් ලේකම්තුමාගේ ප්‍රධානත්වයෙන් නාරම්මල ප්‍රාදේශීය කාර්යාලයේදී 2023.12.26 දින පවත්වන ලදී.සුනාමි ව්‍යවසනයෙන් දිවි අහිමි වූවන් වෙනුවෙන් ආගමික වතාවත් වලට මුල්තැන ලබාදෙමින් මෙම වැඩසටහන පවත්වන්නට යෙදුනි.මෙම අවස්ථාවට සමගාමිව ශ්‍රම වාසනා අරමුදලෙහි දායකත්වය මත කොට්ඨාශයේ අඩු ආදායම්ලාභී පවුල් වල පාසල් දරුදැරියන් සදහා පාසල් උපකරණ ලබාදීමේ වැඩසහනක්ද ක්‍රියාත්මක විය.